ازيكم يا فتوكات اسكندرية
عايزة خبرتكم زي ما عودتوني ديما عمركم ما بخلتوا عليا بأي استشارة

أنا شعري كان حلو زي ده تقريبا



بس عيبه إن ماما كانت ديماً تقصهولي من صغري فلما كبرت ودخلت ثانوي وحبيت أطوله مارضيش يطول لأن البصيلة اتعودت تشيل شعراية قصيرة وآخره بس شبرين طول
مع إن اخواتي البنات شعرهم طويييييييييييييل عشان ماما ماحبيتش تكرر معاهم المأساة فماقصتهوش لهم خاااالص

ده غير إني عملت فيه حاجات خايبة عشان أقلد صاحباتي صبغات وألوان وكريمات فرد وسيشوار ومكواه بطريقة غبية لحد ما بوظته بإديا وبقى خفيف وبيهيش ولو حبيت اعمله ديل حصان ألاقيه قلب زي ده رفيع وخااااااسس وهايش على الفاضي




ومفيش تسريحة بتثبت فيه ساعة على بعضها أول ما اسيبه بعد الدوامة ألاقيه اتبرم واتهبل كده معرفش ازاي ومشي عكس الجاذبية الأرضية

مع إنه سهل أوي يتفرد بالدوامة يعني بمجرد ما اعمله دوامة خمس دقايق واسرحه بلاقيه روووووووعة زي ده



بس الحالة بتجيله يادوب بعد نص ساعة من فك الدوامة وألاقيه اتبرم واتعوج واتشقلب كأنه شعر واحدة تانية غيري
تقريباً الدوامة بتدوخه

ومحدش يقولي الدوامة بتبوظ الشعر لأني لو معملتهوش دوامة وسيبته ينشف مع نفسه بيتموج وبيبقى عامل كده



وانا مابحبش الشعر داااااااااااااااااااااا

المهم أنا دلوقتي كبرت وبقيت ماما وشعري زي ماهوه
مجنون بحالاته كل شوية بحالة بجد ده جنني لا عايز يثبت على النعومة ولا عايز يثبت على التموج عشان اعرف اعالجه مش عارفاله راس من رجلين

فكرت أعمله كيراتين قالوا لي ده فرد وعلاج ومش بيضر الشعر وبيعيش فيه أربع سنين !!!

فلو الكلام ده صحيح أعمله فين في اسكندرية ؟ عايزة مكان موثوق فيه وتكوني جربتيه لأن بجد شعري مش متحمل تجارب

ولو الكيراتين وحش وفي طريقة تعدله غير الكيراتين إلحقوني بيها نفسي يتقل ويبقى مفرود ولما اسرحه واسيبه على ظهري يفضل مفرود ما يتقلبش صنية كنافة بالطرشي بعد نص ساعة

أعمل ايييييييييييييييه